मष्टामा ४ दिने आँखा शिविर सम्पन्न, ६ सय बढी लाभान्वित

रुपक खड्का, बझाङ – बझाङको मष्टा गाउँपालिकामा संचालन भएको निःशुल्क आँखा शिबिरको चेकजाँच तथा छ्नोट कार्यक्रम सम्पन्न भएको छ । फागुन ८ गते देखि ११ गतेसम्म गाउँपालिकाका ४ वटा स्वास्थ चौकीमा संचालन भएको आँखा शिविरमा ६ सय ४२ जनाले आँखा चेकजाँचको सेवा पाएका छन् ।

maya metro hospital

जस मध्ये ४८ जना महिला ३२ जना पुरुष गरी जम्मा ८० जनामा मोतिविन्दुको समस्या देखा परेको छ भने १ सय १५ जनाको दृष्टि दोष देखा परेको र (चस्मा लगाउनु पर्ने) देखीएको हुँदा चस्मा वितरण गरिएको स्वास्थ शाखा प्रमुख देविचन्द्र थापाले बताए ।

आँखा जाँच गराएका अरुमा सामान्य आँखा रातो हुने, आँखा चिलाउने, आँखा सुख्खा हुने, चस्मा लगाउनु पर्ने, आँखा पाक्ने समस्या देखिएकाले यस्ता बिरामीहरुलाइ निशुल्क औषधी वितरण गरिएको उनले बताए ।

attariya hospital

मोतियाबिन्दु भएका बिरामीहरुको चैत्र दोस्रोहप्ताबाट वृहत एकीकृत शल्यक्रिया शिविर गराइने छ ।
आर्थिक आभावका कारण दृष्टिविहिन हुन पर्ने अवस्थाको अन्त्य गर्नेका लागि मष्टा गाउँपालिकाले उक्त शिविरको आयोजना गरेको गाउँपालिका प्रमुख ज्ञान बहादुर बोहराले बताएका छन् । गाउँघरमै निःशुल्क शिविर सन्चालन गर्दा स्थानीयहरु हर्सित भएका छन् ।

गाउँपालिकाको आयोजना र नेपाल नेत्र ज्योति संघ, गेटा आँखा अस्पताल कैलालीको प्राबिधिक सहयोगमा संचालन भएको निशुल्क मोतिबिन्दु आँखा शिविर ४ दिनसम्म चलेको थियो।

प्रतिक्रिया दिनुहोस

Your email address will not be published.