बैतडी- बैतडीमा ससुराली गएका एक पुरुषको मृत्यु भएको छ । प्रहरीका अनुसार भेटघाटका लागि ससुराली गएका सिगास गाउँपालिका–३ का ५० वर्षीय देव लुहारको ससुरालीमै मृत्यु भएको हो ।
सिगास-९ गन्सुरमा साला नाता पर्ने कमल विकको घर आएका लुहारको बिहीवार एक्कासी श्वासप्रश्वास बढ्नुका साथै खोकी लागेपछि मृत्यु भएको बताइएको छ । उनी फागुन ९ गते गन्सुर आएका बुझिएको छ ।
घटनाबारे अनुसन्धान भइरहेको र पोष्टमार्टमपछि मात्रै थप कुरा खुल्ने जिल्ला प्रहरी कार्यालय बैतडीका प्रवक्ता प्रहरी निरीक्षक नन्दराज जोशीले बताए ।
