धनगढी- एनआरएनए छैठौं फारवेष्ट पशुपति कप फुटबल प्रतियोगितामा शनिवार दुई खेल हुँदैछन् । पहिलो खेल ईलाईट युवा क्लब र अलस्टार स्पोर्टस एकेडेमी तथा दोस्रो खेल टेकबहादुर चोखाल फाउण्डेसन र घोडाघोडी क्लबबीच हुनेछ ।
पहिलो खेल दिउँसो १२ः३० बजे र दोस्रो खेल २ः३० बजे धनगढी रंगशालामा हुनेछ । फारवेष्ट पशुपति युवा क्लबद्वार आयोजित प्रतियोगिता पुस १४ गतेसम्म सञ्चालन हुने छ । प्रतियोगितामा १५ टीमको सहभागिता रहेको छ ।
शुक्रबार भएको प्रतियोगिताको उद्घाटन खेलमा जित हात पार्दै साविक विजेता स्टार सिटी क्वाटरफाईनल प्रवेश गरेको छ । उद्घाटन खेलमा पुनर्वास नगरपालिका खेलकुद विकास समितिलाई २–० ले किनारा लगाउँदै स्टार सिटीले अघिल्लो चरणको यात्रा तय गरेको हो ।
