अत्तरिया – अछाममा युवकको हत्या गरी फरार भएकी युवती काठमाण्डौंबाट पक्राउ परेकी छिन् ।
कार्तिक २२ गते अछामको पञ्चदेवल विनायक नगरपालिका – ८ का १८ बर्षिय दिपेन्द्र बहादुर शाहीको हत्या आरोप लागेकी स्थानीय ३० बर्षिय लक्ष्मी सुनार बुधबार काठमाण्डौंबाट पक्राउ परेकी हुन् ।
उनलाई काठमाण्डौं उपत्यका अपराध अनुसन्धान कार्यालयबाट खटिएको प्रहरी टोलीले काठमाण्डौंको माछापोखरीबाट पक्राउ गरेको थियो ।
पक्राउ परेकी सुनारलाई आवश्यक कारवाहीका लागि जिल्ला प्रहरी कार्यालय अछाम पठाइएको काठमाण्डौं उपत्यका अपराध अनुसन्धान कार्यालयले जनाएको छ ।