अत्तरिया – कैलालीको गोदावरी नगरपलिका – ८ जमुनानगरबाट चित्तलको उद्धार गरिएको छ । बस्तीमा पसेको चित्तलको स्थानीयले भेटेपछि उद्धार गरिएको हो ।
अलपत्र अवस्थामा चित्तल फेला परेपछि स्थानीय तिलक जोशीले डिभिजन वन कार्यालय अत्तरियालाई खबर गरेका थिए ।
चित्तललाई सशस्त्र प्रहरी बल सुरक्षा शाखा धनगढी, सव डिभिजन वन कार्यालय अत्तरिया र डिभिजन वन कार्यालय धनगढीको टोलीले उद्धार गरेका थिए ।
डिभिजन वन कार्यालयका प्रमुख केशव पराजुलीले उद्धार गरिएको चित्तललाई शुक्लाफाटा राष्ट्रिय निकुन्जमा छोडिएको बताए । उनले बाटो बिर्सिएर चित्तल गाउँमा पसेको हुनसक्ने बताए ।
