धनगढी – दार्चुलाबाट महेन्द्रनगरका लागि छुटेको स्कारपियो बैतडीमा दुर्घटना भएको छ ।
सदरमुकाम गोकुलेश्वारदेखि महेन्द्रनगर आउँदै गरेको बा १२ च ४२४० नम्बरको स्कारपियो बैतडीको दोगडाकेदार गाउँपालिका–३, खोलचेक बजार नजिकै दुर्घटना भएको प्रहरीले जनाएको छ ।
‘सडकबाट चिप्लिएर दुर्घटना भएको हो’ जिल्ला प्रहरी कार्यालय बैतडीका प्रवक्ता दर्शन खड्काले भने, ‘स्कारपियो सडक भन्दा एक सय मिटर तल खसेको छ ।’
उनले दुर्घटनामा चालकसहित २ जना घाइते भएको र उनीहरुको अवस्था सामान्य रहेको बताए ।
