अत्तरिया – कैलालीको चुरेमा स्कारपियो दुर्घटना हुँदा ४ जना घाईते भएका छन । अछामबाट विरामी बोकेर धनगढी आइरहेको सु.प.प्र. ०१ ००१ च २६५८ नम्बरको स्कारपियो चुरे गाउँपालिका – ३ सल्लेघारीमा दुर्घटनामा परेको हो ।
दुर्घटनामा स्कारपियो चालक अछामको साफेबगर नगरपालिका – १ का गोपी धामी, सोहि ठाउँका ४७ वर्षीय रमेश बुढा, मुकुन्द रावल र धनकला रावल घाइते भएका छन ।
घाइते मध्ये चालक धामीको अवस्था गम्भिर रहेको जिल्ला प्रहरी कार्यालय कैलालीका प्रहरी नायब उपरीक्षक प्रतिक बिष्टले जानकारी दिएका छन ।
स्कारपियो अनियन्त्रित भएर सडकबाट करिब डेढ सयदेखि दुई सय मिटर तल खसेको बताईएको छ ।
