कञ्चनपुर – तिन दिन देखि बेपत्ता कञ्चनपुरका एक युवकको शव फेला परेको छ । भीमदत्त नगरपालिका ब्रह्मदेवका २० वर्षीय कमल ओडको शव भारतको टनकपुर ब्यारेजको दक्षिणतर्फको जंगलमा फेला परेको हो ।
वडको खुट्टामा चोट देखिएको जिल्ला प्रहरी कार्यालय कञ्चनपुरका डीएसपी सिद्धराज न्यौपानेले बताएका छन ।
यसैबिच प्रहरीले बुधबार साँझ वडसँगै घुम्न गएका स्थानीय मनोज भट्ट र गणेश आउजी सहित ४ जनालाई सोधपुछका लागि नियन्त्रणमा लिइएको जनाएको छ ।
शव भारतीय क्षेत्रमा भएकाले नेपाल ल्याउने विषयमा समन्वय भईरहेको डीएसपी न्यौपानेले बताएका छन ।
