बैतडी – बैतडीमा मन्दिरबाट चोरी गरेको सुन खरिद गरेको आरोपमा थप दुई जना व्यापारी पक्राउ परेका छन ।
बैतडीको दोगडाकेदार गाउँपालिका – १ रीमस्थित लटिनाथ मन्दिरबाट गत पौषमा ९ तोला सुन चोरी भएको आरोपमा प्रहरीले दशरथचन्द नगरपालिका – ४ गढीका सुनचाँदी व्यवसायी ३३ वर्षीय कञ्चन पौडेल र सोही ठाउँका ४५ वर्षीय गणेशकुमार पौडेल रहेका प्रहरीले जनाएको छ ।
गणेश नेपाल सुनचाँदी व्यवसायी संघ बैतडीका अध्यक्ष समेत रहेका बताइएको छ ।
प्रहरीले यसअघि चोरिको सुन खरिद गरेको आरोपमा दार्चुलाको शैल्यशिखर नगरपालिकाका सुनचाँदी व्यवसायी भुवनसिंह साहुलाई पक्राउ गरेको थियो ।
प्रहरीले सुन चोरी गर्ने चार जनालाई पक्राउ गरिसकेको छ भने उनीहरुको साथबाट पौने चार तोला सुनसमेत बरामद गरेको छ ।
