काठमाडौँ । हरेक भान्सामा धेरै प्रकारका दाल पाइन्छन् । यी दाल स्वादिष्ट त हुन्छन् नै स्वास्थ्यको लागि पनि उत्तिकै फाइदाजनक हुन्छन् । धेरै मानिसहरूले आफ्नो स्वाद अनुसार दाल किन्छन् । खाने इच्छा अनुसारका दाल पकाएर खान्छन् ।
तर तपाईँलाई थाहा छ कुन दाल कहिले खानुपर्छ थाहा छ ? पोषणविद्हरूले कुन दाल कुन अवस्थाको लागि सबैभन्दा फाइदाजनक भन्छन् आजको यस लेखमा हामी कुरा गर्नेछौँ ।
रक्तअल्पताबाट पीडित हुनुहुन्छ र प्रायः कमजोरी चक्कर लाग्ने वा थकित महसुस गर्नुहुन्छ भने तपाईंको लागि दालको सेवन लाभदायक हुन सक्छ । यसमा प्रशस्त मात्रामा फलाम र फोलेट हुन्छ, जसले रातो रक्त कोशिकाहरूको निर्माणमा मद्दत गर्दछ ।
चनाको दाल
चनाको दालको ग्लाइसेमिक इन्डेक्स कम हुन्छ । रगतमा चिनीको उच्च मात्राको समस्याबाट पीडित व्यक्तिहरूको लागि नियमित सेवन राम्रो विकल्प हुन सक्छ ।
हरियो दाल
कोलेस्ट्रोल उच्च छ भने हरियो मुगको दाल खानु फाइदाजनक हुन सक्छ । यसमा रहेको घुलनशील फाइबर र एन्टिअक्सिडेन्टले खराब कोलेस्ट्रोल (एलडीएल) कम गर्न मद्दत गर्दछ ।
रहरको दाल
रहरको दालमा पोटासियम र म्याग्नेसियम जस्ता खनिजहरू हुन्छन्, जसले रक्तनलीहरूलाई आराम दिन र रक्तचाप नियन्त्रण गर्न मद्दत गर्दछ ।
मुगको छाटा
पेटमा ग्यास छ, फुलेको छ वा इरिटेबल बाउल सिन्ड्रोम (आईबीएस)बाट पीडित हुनुहुन्छ भने, मुगको छाटा उत्तम विकल्प हुन सक्छ । यसलाई सजिलै पचाउन सकिन्छ र पेटमा धेरै दबाब दिँदैनन् । पेटको समस्याबाट पीडितहरूका लागि यो एक उत्कृष्ट विकल्प हो ।
