धनगढी – सुदूरपश्चिम प्रदेश सरकार र राष्ट्रिय बीमा कम्पनी लिमिटेडबिच निर्जीवन बीमाको सम्बन्धमा अन्तरक्रिया गरिएको छ । मंगलबार राष्ट्रिय बीमा कम्पनी लिमिटेडको आयोजनामा अन्तरक्रिया कार्यक्रम आयोजना गरिएको हो ।
कार्यक्रममा निर्जीवन बीमा, नेपालमा यसको अवस्था र बीमा लेखहरु लगायतको विषयमा छलफल गरिएको थियो । कम्पनीका नायब प्रमुख कार्यकारी अधिकृत सुवाश कोइरालाले नेपालको बीमा बजार, बीमाको अवस्था, प्राकृतिक विपद् जोखिम सामूहिक दुर्घटना बीमालेख र यसले समेट्ने जोखिम लगायतको विषयमा जानकारी गराए ।
नेपालको बीमा बजार, राष्ट्रिय बीमा कम्पनी, यसको उद्देश्य र कम्पनीका रक्षावरण गर्ने जोखिम तथा सीमा लेखहरु, प्रदेश सरकारसँग सहकार्य गर्न सकिने प्रमुख बीमा सेवाहरु तथा प्रदेश सरकारसँग राष्ट्रिय बीमा कम्पनीको अपेक्षा लगायत विषयमा कोइरालाले प्रस्तुतीकरण राखेका थिए । कार्यक्रममा सुदूरपश्चिम प्रदेशका मुख्यमन्त्री कमलबहादुर शाह, मन्त्री तथा राज्यमन्त्री, मन्त्रालयका सचिव लगायतको उपस्थिति रहेको थियो ।
