परासी – पश्चिम नवलपरासीको प्रतापपुरमा बसमा चढ्ने क्रममा लडेर एक जनाको मृत्यु भएको छ । प्रतापपुर गाउँपालिका-९ खैरेनीस्थित त्रिवेणीदेखि बर्दघाटतर्फ जाँदै गरेको लु १ ख ३६६३ नम्बरको बसमा चढ्ने क्रममा स्थानीय जगदीश थारु लडेर घाइते भएका थिए ।
घाइते थारुलाई उपचारको लागि भैरहवा मेडिकल कलेज रुपन्देही लगिएकोमा उपचारको क्रममा मृत्यु भएको प्रहरीले जनाएको छ ।
शव पोस्टमार्टमका लागि पृथ्वीचन्द्र अस्पताल परासीमा राखिएको छ । दुर्घटना हुने बस र चालक प्रहरी नियन्त्रणमा छ्न् ।
