धनगढी – कैलालीमा सशस्त्र प्रहरीको टोलीले कटुवा पेस्तोल र चरेस बरामद गरेको छ । सशस्त्र प्रहरी बल, नेपाल बीओपी भुईयाफाँटाबाट खटिएको टोलीले कैलारी गाउँपालिका–७ स्थित पुरानो भुईयाफाँटा तिनकुनेको सीमावर्ती क्षेत्रबाट एक थान कटुवा पेस्तोल र १ किलो ५० ग्राम चरेस बरामद गरेको हो ।
सशस्त्र प्रहरीका अनुसार शुक्रबार सीमावर्ती क्षेत्रमा गस्ती गर्ने क्रममा बेवारिसे अवस्थामा उक्त हतियार र लागुऔषध फेला परेको थियो । बरामद सामग्री आवश्यक अनुसन्धान तथा कारबाहीका लागि भदौ शनिवार सम्बन्धित निकायलाई बुझाइएको सशस्त्र प्रहरीले जनाएको छ ।
