अत्तरिया- कञ्चनपुरको बेलौरी नगरपालिकाले गर्मी बिदा थप गरेको छ । यसअघि २० देखि २२ गतेसम्म विद्यालयहरुमा गर्मी बिदा दिएको नगरपालिकाले २४ गते सम्मलाई बिदा थप गरेको हो ।
नगरपालिकाले आज जारी गरेको सूचनामा वर्षे बिदाबाट कट्टा हुने गरी यसअघि नगरपालिका अन्तर्गका सबै संस्थागत तथा सामुदायिक विद्यालयहरुमा गर्मी बिदा दिइएकोमा सोही बिदालाई थप गरी २४ गतेसम्मलाई बढाइएको उल्लेख छ ।
नगरपालिकाले गर्मी बिदा दिनुभन्दा अगाडि विद्यालय सञ्चालनको समय परिवर्तन गर्न लगाएको थियो । यही जेठको १६ गते सूचना जारी गर्दै १७ र १८ गते दुई दिनका लागि बेलौरीका सम्पूर्ण विद्यालय बिहान ७ बजेबाट १०:३० बजेसम्म सञ्चालन गर्न लगाइएको थियो ।
उक्त निर्णयपछि विद्यालयहरुमा गर्मी बिदा नै दिएकोमा अहिले फेरि बिदाको समय थप गरिएको हो ।
