बैतडी- बैतडीमा जिप दुर्घटना हुँदा एक जनाको मृत्यु भएको छ । हिजो साँझ दशरथचन्द नगरपालिका-१० बाराकोटस्थित सुपप्र ०१००१ ज १५०० नम्बरको बोलेरो जिप दुर्घटना भएको हो ।
प्रहरीका अनुसार जिप एक्कासी अनियन्त्रित भई सडकबाट अन्दाजी ३० मिटर तल पल्टिन गई दुर्घटना हुँदा जिपमा सवार दोगडाकेदार गाउँपालिका-६ सित्तड बस्ने २१ वर्षकी मिना जोशी गम्भीर घाइते भई अस्पताल पुर्याउँदा डाक्टरले मृत घोषणा गरेको थियो ।
जिपमा १३ जना सवार रहेकामा ९ जना घाइतेहरुको बैतडी, धनगढी र भारतको पिथौरागढमा उपचार भइरहेको जिल्ला प्रहरी कार्यालय बैतडीले जनाएको छ । दुर्घटनापश्चात फरार रहेका जिप चालक दार्चुलाको लेकम गाउँपालिका-३ का ३१ वर्षीय भुवन टमाटालाई नियन्त्रणमा लिई आवश्यक अनुसान्धान भइरहेको प्रहरीले बताएको छ ।
