सुन व्यवसायीमाथि गोली प्रहार

नवलपरासी पश्चिम- सुस्ता गाउँपालिका-१ वरुवास्थित न्यु धौलागिरी सुनचाँदी पसलका सञ्चालक ६२ वर्षीय गजेन्द्र विकमाथि गोली प्रहार भएको छ । बर्दघाट नगरपालिका-४ देविनगर बस्ने उनीमाथि शनिबार साँझ गोली प्रहार भएको हो ।

maya metro hospital

पसल बन्द गरी लु ४८ प ७४३५ नम्बरको स्कुटरमा छोरासँगै घर फर्किने क्रममा बर्दघाट-१६ कुकुरमारा नजिकै नम्बर नखुलेको मोटरसाइकलमा आएका ३ जना अपरिचित व्यक्तिले उनीमाथि गोली प्रहार गरेको भन्ने खबर इलाका प्रहरी कार्यालय सेमरीमा प्राप्त भएको थियो ।

प्रहरीले घाइते गजेन्द्रलाई उपचारको लागि सामुदायिक अस्पताल चिसापानी लगेकोमा उक्त अस्पतालबाट तिनाउ इन्टरनेशनल अस्पताल बुटवल रुपन्देही हुँदै पुनः थप उपचारको लागि भैरहवा मेडिकल कलेज रिफर गरिएको छ ।

attariya hospital

गोली प्रहार गर्नेहरुको खोजी भइरहेको र घटना सम्बन्धमा आवश्यक अनुसन्धान गरिरहेको प्रहरीले जनाएको छ ।

 

 

 

 

lotus add
प्रतिक्रिया दिनुहोस

Your email address will not be published.