दार्चुला- दार्चुलाको मालिकार्जुन गाउँपालिका वडा नम्बर ६ लाई आज बालविवाह मुक्त वडा घोषणा गरिएको छ । गाउँपालिकाकै पहिलो वडाको रूपमा उकुलाई बालविवाह मुक्त घोषणा गरिएको वडा कार्यालयले बताएको छ ।
‘मालिकार्जुन गाउँँपालिकाको शान : बालविवाह मुक्त गाउँपालिका हाम्रो अभियान’ भन्ने मूल नाराका साथ मालिकार्जुनलाई २०८२ भित्र बालविवाह मुक्त पालिका बनाउने तयारी भइरहेको बताइएको छ ।
स्थानीय रणनीति २०७६ लागु भएपछि मालिकार्जुनमा बालविवाह अन्त्यका लागि सचेतनामूलक कार्यक्रम गर्दै आएको गुड नेभर्स इन्टरनेशनल नेपाल दार्चुलाका निमित्त कार्यालय प्रमुख टीकाराम चौधरीले पालिकामा २५.९६ प्रतिशत रहेको बालविवाह अहिले छ प्रतिशतमा झरेको बताए ।
