जिवनज्योती र प्रगती महिला विकास बहुउद्देश्यिय सहकारी एकिकरण हुदै

अत्तरिया – कैलालीको गोदावरी नगरपालिका वडा नं. २ मा रहेको जिवनज्योती महिला विकास बहुउद्देश्यिय सहकारी संस्था र प्रगती महिला विकास बहुउद्देश्यिय सहकारी संस्था लिमिटेड एकिकरण हुने भएका छन । संस्थाहरुले सोमबार संयुक्त भेला आयोजना गर्दै दुई सहकारीहरु एकआपसमा एकिकरण हुन लागेको जानकारी दिएका छन ।

maya metro hospital

दुवै सहकारीका सञ्चालक समितिका पदाधिकारी, सदस्य एवम् कर्मचारीहरुको भेला आयोजना गरी संस्था एकिकरणका लागी आवश्यक छलफल भैरहेको जिवनज्योती महिला विकास बहुउद्देश्यिय सहकारी संस्था लिमिटेडकी व्यवस्थापक क्षेत्रा साउँदले बताईन । उनले संस्थाको कार्य विस्तार गर्न, संस्थाको दोहोरो सदस्यता नियन्त्रण गर्न तथा सहकारीहरुको आवश्यक भन्दा बढी संख्याहरु घटाउन एकिकरण गर्न लागिएको बताईन । उनले एकिकरणले संस्था सञ्चालनको फजुल खर्च कटौति गर्नुका साथै महिलालाई बहुउद्देश्यिय कार्य गर्न पनि टेवा पुग्ने बताईन ।

joshi vada pasal 2

संस्थाको बलियो संगठन निर्माण गरी संगठनिक एवम् व्यवसायीक सक्षमता हासिल गर्न, आर्थिक मन्दी व्यवस्थापनमा सहयोग पु¥याउन, सदस्यहरुलाई दोहोरो ऋणको चपेटाबाट जोगाउन, सदस्यहरुलाई उद्यमशिल र व्यवसायमुखी बनाउन, छरिएर रहेका स्रोत साधनहरुलाई एकिकृत गरी अधिकतम प्रयोग र व्यवस्थापन गर्न पनि एकिकरणले मद्दत गर्ने उनले बताईन । उनका अनुसार यही पुष २७ गते आधिकारीक रुपमा सहकारीहरु एक आपसमा एकिकरण हुने भएका छन ।

raunak fals and silling

यसैगरी प्रगती महिला विकास बहुउद्देश्यिय सहकारी संस्था लिमिटेडकी व्यवस्थापक संगिता बडैलाले दुर्गम स्थानमा रहेको सहकारीले फराकिलो क्षेत्र पाओस भन्नका लागी एकिकरण गर्न लागीएको बताईन । उनले नगरको दुर्गम क्षेत्रका रुपमा रहेको ओलानीका महिलाहरु अनपढ भएकाले सहकारीको महत्व र सहकारीको काम कारबाहीको बारेमा धेरै जानकार नहुँदा पुरानो सहकारी भएपनि सहकारीको उन्नती हुन नसकेको बताईन । उनले पढेलेखेका सहकारीका सदस्यहरुले सहकारीलाई भन्दा पनि अन्य स्थानमा समय दिन थालेपछि सहकारीलाई माथि उकास्न एकिकरण गर्नुको विकल्प नरहेको बताईन ।

उनले सञ्चालक समितिमा बसेका पदाधिकारीहरु पनि निरक्षर हुँदा सहकारीलाई ह्यान्डील गर्न निकै गाह््रो भएको बताईन । ‘संस्थाहरु च्याउ उम्रेजस्ता उम्रिएका छन, अनि दोहोरो सदस्यताले गर्दा पनि अप्ठ्यारो छ’ उनले भनिन् ‘चुनौतीहरु बढ्दै गएपछि संस्था डगमगाउने होकी भन्ने चिन्ता थपिएको थियो, एकिकरणले त्यो चिन्ता हटाउन मद्दत गरेको छ ।’ उनले सहकारीबाट गत वर्ष भ्रमणमा जाँदा एकिकरणको फाईदाको बारेमा जानकारी पाएको र अहिले दुईवटै सहकारी खुसीसाथ एकिकरण हुन लागेको बताईन । उनले सहकारीको नाम भने जिवनज्योतीकै नामबाट रहने बताईन ।

२०५९ सालमा स्थापना भएको जिवनज्योतीमा मंसिर मसान्त सम्ममा २ हजार ७ सय ४९ जना शेयरसदस्यहरु रहेका छन भने २०५८ सालमा स्थापना भएको प्रगतीमा १ हजार १३ जना शेयरसदस्यहरु रहेका छन । जिवनज्योतीमा २ करोड २२ लाख ६० हजार ३ सय रुपैया शेयर पुँजी रहेकामा प्रगतीमा ६९ लाख ६५ हजार ७ सय रुपैया शेयरपुँजी रहेको छ । जिवनज्योतीको १३ करोड १२ लाख ६० हजार ९ सय ६ रुपैया निक्षेप संकलन रहेको छ भने प्रगतीको निक्षेप संकलन २ करोड ३७ लाख ५१ हजार ९ सय ४१ रहेको छ ।

जिवनज्योतीले ५१ लाख ४३ हजार ३ सय ५९ रुपैया शुद्ध नाफा कमाएकोमा प्रगतीले १ लाख ९९ हजार ८ सय १ रुपैया शुद्ध नाफा कमाएको छ । दुवै सहकारीहरुले मंसिर मसान्त सम्म २४ करोड ३९ हजार ६ सय ९३ रुपैयाको कारोबार गरेका छन । सहकारीहरुको एकिकरण कार्यकारीणी समितिको संयोजकका रुपमा जिवनज्योतीकी पुर्व अध्यक्ष सुमित्रा सोव रहेकी थिईन ।

indreni vansa ghar
सम्बन्धित पाेस्टहरु
प्रतिक्रिया दिनुहोस

Your email address will not be published.