अत्तरिया – कैलालीको गोदावरीमा ५ दिने व्यवसायीक बंगुर पालन तालिम सम्पन्न भएको छ । फागुन २९ गते देखि सुरु भएको तालिम बिहिबार एक औपचारीक कार्यक्रमका बिच अत्तरियामा रहेको नेचुरल होटलमा सम्पन्न गरिएको छ ।
गोदावरी नगरपालिकाका सूचना अधिकारी एवम गरिबी निवारणका लागि लघु उद्यम विकास कार्यक्रम (मेडपा) का फोकल प्रसन शिवराज भाटको अध्यक्षतामा तालिमको समापन गरिएको हो ।
मेडपा अन्तरगत गोदावरी नगगरपालिकाको आयोजनामा सम्पन्न तालिममा गोदावरी नगरपालिका १, ३ र ४ का १७ जनाको सहभागिता रहेको थिए ।
तालिमको प्रशिक्षण गोदावरी नगरपालिकाको पशु शाखामा कार्यरत राम बहादुर सार्की, टेक बहादुर शाहु, बिर बहादुर ठगुन्ना, केशर राज पाण्डेले गरेको गोदावरी नगरपालिकाका उद्यम विकास सहजकर्ता दिपेन्द्र कुमार ओली बताए । उनले तालिम लिएका सहभागिलाई उद्यमी बनाउन सहयोग गरिने बताए ।
मेडपा मार्फत चालु आर्थिक बर्षमा गोदावरी नगरपालिकाका १७५ जनालाई लघु उद्यमी बनाइने लक्ष्य लिइएको छ । कार्यक्रम अन्तरगत हाल नगरपालिकामा बिभिन्न सीप तालिम संचालन भइरहेका छन ।
गोदावरीमा यो कार्यक्रम गत बर्ष देखि सचालनमा आएको थियो । नगरपालिकाले यो कार्यक्रम गोदावरी नगरपालिकाका १, २, ३ र ४ मा संचालित छ ।
लगतै मेडपाकै कार्यक्रम अन्तरगत ब्यवसायीक कुखुरा पालन तालिमको आयोजना गरिने गोदावरी नगरपालिकाका उद्यम विकास सहजकर्ता नरेश साउँदले जानकारी दिए ।
