धनगढी – खेल बजारको मुख्य प्रायोजन तथा टिम ७ एएमको आयोजनामा “सेभेन एएम कप फुटसल प्रतियोगिता–२०८३” आयोजना हुने भएको छ । प्रतियोगिता असार ६ र ७ गते फ्ल्याटल्याण्ड फुटसल मैदानमा सञ्चालन गरिने आयोजकले जनाएको छ ।
३० वर्ष उमेर पूरा गरेका खेलाडीहरू मात्र सहभागी हुन पाउने प्रतियोगिताको दर्ता शुल्क २ हजार ५ सय निर्धारण गरिएको छ । प्रतियोगितामा विजेता टोलीले २५ हजार ५ सय ५५ नगदसहित ट्रफी प्राप्त गर्नेछ भने उपविजेताले १५ हजार ५ सय ५५ नगद पुरस्कार पाउने प्रतियोगिताका संयोजक सरोज देउवा बताए ।
त्यसैगरी उत्कृष्ट खेलाडीलाई २ हजार ५ सय ५५ तथा उत्कृष्ट गोलरक्षकलाई १ हजार ५ सय ५५ नगद पुरस्कार प्रदान गरिने आयोजकले जनाएको छ । खेल बजार सेभेन एएम कप फुटसल फुटसल प्रतियोगितामार्फत खेलकुदको विकास, आपसी सद्भाव र स्वस्थ प्रतिस्पर्धाको भावना अभिवृद्धि गर्ने उद्देश्य रहेको आयोजक टिम ७ एएमले जनाएको छ । प्रतियोगितामा सहभागिता जनाउन इच्छुक टोलीहरूले आयोजकसँग सम्पर्क गर्न सक्नेछन् ।
