अत्तरिया – कैलालीको कैलारी गाउँपालिका–५ गोबरैला घाटबाट प्रहरीले भन्सार छली गरी भारतबाट ल्याइएको आइसक्रिम बरामद गरेको छ।
इलाका प्रहरी कार्यालय हसुलियाबाट खटिएको प्रहरी गस्ती टोलीले बिहीबार बेवारिसे अवस्थामा फेला परेको अन्दाजी ३० हजार रुपैयाँ मूल्य बराबरको आइसक्रिम नियन्त्रणमा लिएको हो।
प्रहरीका अनुसार उक्त आइसक्रिम अवैध रूपमा भारतबाट भन्सार छली गरी नेपाल भित्र्याइएको थियो। बरामद सामान आवश्यक कानुनी प्रक्रिया पूरा गरी नियन्त्रणमा लिइएको प्रहरीले जनाएको छ।
