धनगढी – नेपाली कांग्रेस सुदूरपश्चिम प्रदेशको प्रदेश अधिवेशन मङ्सिर १५ र १६ गते हुने भएको छ । शनिबार सो पार्टीका प्रदेश सभापति वीरबहादुर बलायरले एक विज्ञप्ति जारी गर्दै सो कुराको जानकारी दिएका हुन् । अधिवेशनको उद्घाटन मङ्सिर १५ गते बिहान ११ बजे धनगढीस्थित सौंराई स्क्वायरको सभा हलमा हुने समेत विज्ञप्तिमा जनाइएको छ ।
‘नेपाली काँग्रेसको १५ औं नियमित महाधिवेशन अन्तर्गत सुदूरपश्चिम प्रदेशका ९ वटै जिल्लाका सबै वडा, पालिका, प्रदेशसभा निर्वाचन क्षेत्र तथा प्रतिनिधिसभा निर्वाचन क्षेत्रीय अधिबेशन सम्पन्न भईसकेका छन् । केही जिल्लाको अधिबेशन बाँकी रहेतापनि अधिकांश जिल्ला अधिवेशन सम्पन्न भइसकेको जानकारी गराईन्छ’ विज्ञप्तीमा भनिएको छ ‘नेपाली काँग्रेस सुदूरपश्चिम प्रदशे कार्यसमितिको निर्णय अनुसार प्रदेश अधिबेशन मिति २०८३ मंसिर १५ र १६ गते हुने भएकाले अधिबेशनको उद्घाटन कार्यक्रम मिति २०८३ मंसिर १५ गते बिहान ११ः०० बजे धनगढी स्थित सौंराई स्क्वायरको सभाहलमा आयोजना हुने व्यहोरा यसै प्रेस विज्ञप्ती मार्फत जानकारी गराईन्छ ।’
