काठमाडौं– वैशाख २५ गते शुक्रवार घरेलु बक्स अफिसमा झण्डै आधा दर्जन नयाँ स्वदेशी तथा विदेशी फिल्महरुबीच दर्शकलाई आकर्षित गर्ने प्रतिस्पर्धा हुने भएको छ । यो विकेण्डमा पाँच वटा नयाँ तथा केही पुराना फिल्मले सिनेमा हलमा दर्शकको प्रतिक्षा गरिरहेका हुनेछन् ।
नेपाल भरका क्यूएफएक्ससहितका सिनेमा हलहरुमा भोलि शुक्रवारदेखि विभिन्न नेपाली, बलिउड तथा हलिउड फिल्महरु प्रदर्शनमा आउने भएका हुने । सामाजिक कथा, पारिवारिक भावना, पौराणिक कथा तथा एक्सनले भरिएका फिल्महरूले दर्शकलाई मनोरञ्जन दिने अपेक्षा गरिएको छ ।
यो साता प्रदर्शनमा आउने फिल्महरूमा नेपाली फिल्महरु ‘मालती मंगले’, ‘लालीबजार’ तथा ‘गुरु आमा’ रहेका छन् । यी नयाँ–नयाँ फिल्महरुले नेपाली समाज, सम्बन्ध तथा संघर्षका विविध पाटाहरू प्रस्तुत गर्ने जनाइएको छ ।
त्यसैगरी धार्मिक तथा पौराणिक कथामा आधारित भारतीय फिल्म ‘कृष्णभारतम’ पनि प्रदर्शनमा आउँदैछ । भगवान कृष्णको जीवनसँग सम्बन्धित कथावस्तु समेटिएको यो फिल्मप्रति धार्मिक तथा पारिवारिक दर्शकमाझ विशेष उत्साह देखिएको छ ।
हलिउड एक्सनप्रेमीहरूका लागि भने ‘मोर्टल कमब्याट’ नयाँ प्रदर्शन आकर्षणको केन्द्र बन्न सक्ने अनुमान गरिएको छ । दमदार एक्सन, भिजुअल इफेक्ट तथा चर्चित गेम सीरीनजमा आधारित कथाले युवा दर्शकलाई विशेष आकर्षित गर्ने अपेक्षा गरिएको छ ।
यसका साथै यो विकेण्डमा अघिल्ला सतादेखि प्रदर्शरत फिल्म ‘परालको आगो’ सहित आधा दर्जन फिल्महरु पनि सिनेमा हलमा प्रदर्शनरत छन् ।
