दिल्लीका मुख्यमन्त्री अदालतबाटै पक्राउ

एजेन्सी- भारतको केन्द्रीय अनुसन्धान ब्युरो (सीबीआई)ले दिल्लीका मुख्यमन्त्री अरविन्द केजरीवाललाई अदालतबाटै पक्राउ गरेको छ । गएको मार्च २१ तारिखदेखि प्रवर्तन निर्देशनालय (ईडी) को न्यायिक हिरासतमा रहेका केजरीवाललाई आज सीबीआईले पक्राउ गरेको हो ।

maya metro hospital

सीबीआईले गए राति नै जाँड–रक्सीसम्बन्धी नीतिमा परिवर्तन गरी अन्तःशुल्कसम्बन्धी अनियमितता गरेको आरोपमा केजरीवालको बयान रेकर्ड गराएको थियो । त्यसपछि अदालतमा उपस्थित गराइएका केजरीवाललाई थप सोधपुछ गर्न न्यायाधीशले अनुमति दिएपछि सीबीआईले औपचारिक रूपमा पक्राउ गरेको बीबीसी हिन्दीले जनाएको छ ।

यसअघि हिजो दिल्ली उच्च अदालतले मुख्यमन्त्री अरविन्द केजरीवालको तल्लो अदालतले जारी गरेको जमानत आदेशमा रोक लगाएको छ । योसँगै ईडीको न्यायिक हिरासतमै रहेका केजरीवाललाई सीबीआईले पक्राउ गरेको हो । अब उनलाई सीबीआईले हिरासतमा राखेर अनुसन्धान गर्नेछ ।

 

lotus add
प्रतिक्रिया दिनुहोस

Your email address will not be published.