अत्तरिया- धनगढीमा लागुऔषधसहित तीन जना पक्राउ परेका छन् । हिजो धनगढी उपमहानगरपालिका-४ ट्याम्पल रिसोर्ट नजिकबाट गौरीगंगा नगरपालिका-४ घर भई धनगढी-४ कोठा गरी बस्ने २६ वर्षीय रोहन परियार पक्राउ परेका हुन् ।
उनलाई १०० मिलिग्राम लागुऔषध खैरो हिरोइन जस्तो देखिने धुलो पदार्थ र नगद ४१ हजार २९० सहित नियन्त्रणमा लिइएको प्रहरीले बताएको छ ।
त्यस्तै, हिजो नै धनगढी-३ ब्यारेलबाट धनगढी-२ बस्ने ३५ वर्षीय अशोक पाल समेत दुई जनालाई ३७० मिलिग्राम लागुऔषध खैरो हिरोइन जस्तो देखिने धुलो पदार्थ र उनीहरुले प्रयोग गरेको एक थान स्कुटीसहित नियन्त्रणमा लिई थप अनुसन्धान भइरहेको प्रदेश प्रहरी कार्यालय धनागढीले जनाएको छ ।
