डोटी- डोटीको जोरायल गाउँपालिका–४ मा रहेको लक्ष्मी सरस्वती बहुउद्देश्यीय सहकारी संस्थाले ६९ टन बढी उन्नत जातको मकैको बिउ विक्री गर्दैछ । सहकारीले किसानबाट सङ्कलन गरी ६९ हजार ६ सय ८८ किलो मकैको बिउ विक्री गरिरहेको हो ।
सहकारीका व्यवस्थापक ठक्करबहादुर कठायतका अनुसार यो वर्ष १४ हजार १७० किलो बिउ विक्री भइसकेको छ । सहकारीले प्रतिकेजी ८० रुपैयाँका दरले बिउ विक्री गर्ने गरेको छ ।
डोटीको जोरायलमा उत्पादित मकैको बिउ झापासम्म पुग्ने गरेको बताइएको छ । सहकारीले गत वर्ष ५४ लाख ४० हजार बराबरको ६८ टन मकैको बिउ विक्री गरेको थियो ।
