कञ्चनपुरमा ‘देवी’ आएकी विद्यार्थीलाई ‘हाक’ आएका शिक्षकले कुटे

अत्तरिया – कञ्चनपुरको कृष्णपुर नगरपालिका–४ मा रहेको समैजी माविका एक विद्यार्थीमाथि विद्यालयकै शिक्षकबाट कुटपिट भएको छ । कक्षा १० मा अध्ययनरत विद्यार्थी एलिसा खड्कामाथि सोही विद्यालयका शिक्षक लोक बहादुर खड्काले कुटपिट गरेका हुन ।

maya metro hospital

घटना माघ २२ गते (सोमबार)को हो । विद्यालयमा टिफिनको बेला एक्कासि ‘देवी’ काँप्दै एलिसा विद्यालय नजिकै घर भएका शिक्षक लोक बहादुरको घरमा पुगेकी थिइन् । त्यहाँ पुगेपछि एलिसाले काँप्दै मेरो मन्दिर किन भत्काएको भन्न थालेपछि शिक्षक लोक बहादुरले ‘हाक’ (धामी) आएको भन्दै कुटपिट गरेको स्थानीयले बताएका छन् ।

joshi vada pasal 2

विद्यार्थीमाथि कुटपिट भएपछि अहिले विद्यार्थी आन्दोलित भएका छन् । विद्यार्थीहरूले कुटपिट गर्ने शिक्षकलाई कारवाही गर्नुपर्ने माग गरेका छन् । उनीहरूले घटनालाई थामथुम पार्न नगरपालिका, शिक्षक, प्रहरी सबै लागेको भन्दै मंगलबार नगरपालिका पुगेरै विरोध समेत गरेका थिए । नगरप्रमुख हेमराज ओझाले पनि कुटपिट गर्ने शिक्षककै बचाउ गरेको भन्दै विद्यार्थी आक्रोशित भएका छन् ।

विद्यार्थीहरूले घटना बाहिर नल्याउन भन्दै धम्की समेत दिइएको बताएका छन् ।

प्रधानाध्यापक सन्दीप ओझाले विद्यालयमा विद्यार्थी काँप्ने गरेकाले घटना भएको बताए । काँप्ने विद्यार्थीले चिच्याउँदै आफ्नो पुरानो मन्दिर विद्यालयका तत्कालीन प्रधानाध्यापक समेत रहेका लोक बहादुर खड्काले भत्काएको बताउने गरेका छन् । सोमबार पनि काँप्दै एलिसा भत्काएको मन्दिर बनाउन भन्दै शिक्षकको घरमै गएपछि घटना भएको प्रधानाध्यापक ओझाले बताए । उनले काँपेर घरमा गएकी विद्यार्थीलाई कुटपिट गर्नु गलत भएपनि ‘हाक’ आएपछि घटना हुन पुगेको बताए ।

उनले विद्यालयमा २८ जना विद्यार्थी काँप्ने गरेको बताए । विद्यार्थी काँप्न थालेपछि नगरपालिकाबाट डाक्टर आएर उपचार गर्दा पनि निको नभएको उनले बताए । विद्यार्थीको काँप्ने समस्या निको नभएपछि विद्यालयमै धामी, झाँक्री बोलाएर झारफुक गरेको उनले बताए । मंगलबार विद्यालयमा २ झाँक्री बोलाएर काप्ने विद्यार्थीमाथि झारफुक गरिएको थियो ।

मन्दिर भत्काएको भनिएको स्थानमा काप्दै विद्यार्थी
2 Comments
  1. Sushant says

    Yo hamroie school ma bahyeko ho

  2. Eshwar Pant says

    Mandir mbanaai deu school maa .samasyaa saamaadhaan garau

प्रतिक्रिया दिनुहोस

Your email address will not be published.