काठमाडौँ- सुनको मूल्य एकैदिन तोलमा एक हजार ६ सय रुपैयाँले बढेको छ । हिजो तोलामा एक लाख १७ हजार ७ सय रुपैयाँ रहेको सुनको मूल्य आज एक लाख १९ हजार तीन सय रुपैयाँ पुगेको हो ।
![maya metro hospital](https://attariyaonline.com/wp-content/uploads/2022/08/Maya-metro-big-banner-gif-1.gif)
यो अहिलेसम्मकै उच्च हो । यो हप्ता आइतबारदेखि नै सुनको मूल्य निरन्तर बढेको छ । अन्तर्राष्ट्रिय बजारमा नै सुनको मूल्य बढेकाले नेपाली बजारमा पनि बढेको नेपाल सुन चाँदी व्यवसायी महासङ्घले जनाएको छ ।
आज चाँदीको मूल्य पनि २० रुपैयाँले बढेर एक हजार ५ सय २० रुपैयाँ पुगेको छ । चाँदीको यो मूल्य पनि अहिलेसम्मकै महँगो हो ।
![lotus add](https://attariyaonline.com/wp-content/uploads/2024/07/lotus-add.jpg)