बझाङ – बझाङमा पनि हिमपहिरोमा पुरिएर एक महिला बेपत्ता भएकी छन् ।सुर्मा गाउँपालिका–१ मा सोमबार राति हिमपहिरोमा जादा पुरिएर स्थानीय ३३ वर्षीया झल्लादेवी बोहरा बेपत्ता भएको जिल्ला प्रहरी कार्यालयले जनाएको छ ।
बझाङका प्रमुख प्रहरी नायब उपरीक्षक(डीएसपी) जागेश्वर भण्डारीले यार्सागुम्बा टिप्न गएकी बोहरा हिमपहिरोमा पुरिएर बेपत्ता भएको जानकारी दिए ।
उनको खोजीका लागि प्रहरी टोली घटनास्थलतर्फ गएको डीएसपी भण्डारीले बताए ।
मंगलबार दिउँसो दार्चुलाको ब्यास गाउँपालिकामा हिमपहिरो गएको थियो । हिमपहिरोमा यार्सागुम्बा टिप्न गएकाहरु प्रभावित भएको आंशका गरिएको छ ।