सन्दीप लामिछालाइ २० लाख धरौटीमा छाड्न आदेश

काठमाडौँ – जबरजस्ती करणी अभियोगमा केन्द्रीय कारागार सुन्धारामा पुर्पक्षका लागि थुनामा रहेका नेपाली राष्ट्रिय क्रिकेट टिमका पूर्व कप्तान सन्दीप लामिछानेलाई उच्च अदालत पाटनले धरौटीमा छाड्न आदेश दिएको छ ।

maya metro hospital

सन्दीपको निवेदनमा न्यायाधीशहरु धुव्रराज नन्द र रमेश ढकालको इजलासले सन्दीपलाई २० लाख धरौटीमा छाड्न आदेश दिएको उनका वकिल मुराहरी सापकोटाले जानकारी दिए ।

joshi vada pasal 2
raunak fals and silling

काठमाडौँ जिल्ला अदालतले सन्दीपलाई पुर्पक्ष थुनामा राख्न आदेश दिएको थियो । उक्त आदेशविरुद्ध उनले उच्च अदालतमा निवेदन दिएका थिए । काठमाडौँ जिल्ला अदालतले गत १८ असोजमा पुर्पक्षका लागि थुनामा पठाउने आदेश गरेसँगै सन्दीपले उच्च अदालत पाटनमा बेरितको आदेश बदर गरिपाउँ भनेर निवेदन दिएका थिए ।

बिहीबार सुनुवाइ भएसँगै अदालतले सन्दीपको पक्षमा आदेश गरेको हो । लामिछानेलाई मुद्दाको अन्तिम किनारा नलाग्दासम्म उनले अब बाहिरै रहेर मुद्दा लड्न पाउने छन् । तर उनलाई विदेश जान रोक लगाइएको छ ।

एक किशोरीले सन्दीपलाई बलात्कार आरोप लगाएसँगै उनलाई प्रहरीले २० असोजमा त्रिभुवन अन्तराष्ट्रिय विमानस्थलबाट नियन्त्रणमा लिएको थियो ।

indreni vansa ghar
सम्बन्धित पाेस्टहरु
प्रतिक्रिया दिनुहोस

Your email address will not be published.