लाग्न त मलाई लाग्छ हामी मान्छे खास हौँ
हो लाग्न त मलाई लाग्छ हामी मान्छे खास हौँ ।
तिमीलाई पनि त्यस्तै लाग्छ होला
हामी मान्छे नै श्रीष्ट्टिको जवाफ हौँ ।
तर जब यथार्थता र सत्य छर्लङ्ग देखिन्छ नि
तब लाग्छ आफू सर्वश्रेष्ठ ठान्ने हामी मान्छे बकवास हौँ ।
तिमी र म त सिर्फ
चलाखहरूले बनाएको
स्वार्थीहरूले उडाएको
देश धर्म जात र अर्थको दास हौँ
टुलुटुलु हेरेर बस्ने जिउँदो लास हौँ ।
अझै हामीलाई लाग्छ हामी मान्छे खास हौँ ।
कवि रुविना बिष्ट दार्चुला बहुमुखी क्याम्पसकी विद्यार्थी हुन् ।
