मुम्बई– बलिउड अभिनेता अमिताभ बच्चन चाँडै नै आफ्नो हिट क्विज शो ‘कौन बनेगा करोडपति’ को १७ औं सिजनको साथ टीभीमा पुनरागमन गर्दैछन् । उनले सन् २००० मा केबीसी होस्टको रूपमा सुरुवात गरेका थिए ।
तेस्रो सिजनबाहेक सबै सिजनहरू अमिताभ बच्चनले होस्ट गरेका थिए । तेस्रो सिजन शाहरूख खानले होस्ट गरेका थिए । तर, त्यो नराम्रोसँग फ्लप भएपछि अमिताभले नै केबीसीको जिम्मेवारी सम्हालेका थिए । यसपछि अमिताभले केबीसीको जिम्मेवारी सम्हाले । अब १७ औं सिजन आउन लागेको छ । उनले यसलाई पनि होस्ट गर्नेछन् । यो सिजन ११ अगस्ट २०२५ बाट प्रिमियर हुनेछ । यस सिजनसँगै अमिताभ सबैभन्दा धेरै कमाउने टीभी शो होस्ट बनेका छन् ।
कष्बकबत।अयm को रिपोर्ट अनुसार अमिताभ बच्चनले ‘प्द्यऋ १७’ को प्रत्येक एपिसोडको लागि ५ करोड रुपैयाँ लिने भएका छन् । यो कार्यक्रम हप्तामा पाँच पटक आउने भएको छ । यसअनुसार,उनको साप्ताहिक आम्दानी २५ करोड रुपैयाँ हुनेछ । अर्थात्, उनले एक हप्तामा २५ करोड रुपैयाँ कमाउनेछन् । यससँगै,अमिताभ बच्चन भारतको सबैभन्दा धेरै कमाउने टिभी होस्ट बनेका हुन् । उनले सलमान खानलाई पनि पछि पारेका छन् । सलमान खानले होस्टिङबाट प्रति हप्ता २४ करोड रुपैयाँ कमाउने गर्छन् ।
