‘रूकुम मैकोट’ बोलको गीत लामो समयदेखि ग्लोबल ट्रेन्डिङमा रहन सफल भएको छ । लोभलाग्दो भ्युज पाइरहेको यो गितले २ महिनाको अवधिमै ५ करोड भ्युज पाइसकेको छ ।
एसडी योगी र शान्तिश्री परियारको स्वर रहेको लोकलयको यो गीतको युट्युबमा मंगलबारसम्म भिडिओलाई ५ करोड ५ लाख पटक हेरिएको छ। मंगलबार सम्म ग्लोबल ट्रेन्डिङ यो गित ८३ औं स्थानमा रहेको छ ।
पछिल्ला दिनमा भ्युजको रफ्तार झन झन बढीरहेको छ ।
अगस्ट २५ मा रिलिज ‘रूकुम मैकोट’ फिल्म ‘खुस्मा’ को गीत हो। यसको भिडिओमा फिल्मका शीर्ष कलाकार धिरज मगर र उपासना सिंह ठकुरी फिचर्ड छन्। एसडी योगीद्वारा संगीतबद्ध गीतका शब्द सुरेन्द्र रानाका हुन्।
गीत रूचाइनुमा लोकलय, मनछुने शब्द, संगीत र स्वरसँगै सुहाउँदो कोरियोग्राफीलाई मानिएको छ।