काठमाडौँ- बलिउड अभिनेता गोविन्दालाई गोली लागेको छ । भारतीय सञ्चारमाध्यमका अनुसार उनलाई आफ्नै पेस्तोलबाट गोली लागेको हो ।
मंगलबार खुट्टामा गोली लागेर घाइते भएका उनलाई उपचारका लागि अस्पताल लगिएको छ । चिकित्सकले गोली निकालिसके पनि गोविन्दा हाल अस्पतालमै रहेका बताइएको छ ।
गोविन्दाका मेनेजरलाई उद्धृत गर्दै भारतीय सञ्चारमाध्यमले जनाए अनुसार गोविन्दासँग अनुमतिप्राप्त हतियार थियो । उनले आफ्नो पेस्तोललाई थन्क्याउन लाग्दा जमिनमा खसेर गोली चलेको बताइएको छ ।
