काठमाडौँ- प्रहरी प्रधान कार्यालयले एक महिनाभन्दा बढी समयदेखि गैरहाजिर रहेका २४ जना प्रहरीलाई सात दिनभित्र सम्पर्कमा आउन निर्देशन दिएको छ ।
आफूखुसी हाजिर हुन छोडेका ३ जना प्रहरी सहायक निरीक्षक (असई)सहित २४ जनालाई खोजतलास गर्दा पनि सम्पर्कमा नआएकाले सात दिन भित्र स्पष्टीकरणसहित सम्पर्कमा आउन निर्देशन दिएको हो ।
सम्पर्कविहीन हुनेहरूमा चार जना प्रहरी सुदूरपश्चिमका छन् । सात दिनभित्र पनि सम्पर्कमा नआए नियमअनुसार सेवाबाट हटाइने प्रहरी प्रधान कार्यालयले चेतावनी दिएको छ ।
