बझाङ – बझाङमा जंगली च्याउ खाएर बिरामी परेका अर्का थप एक बालकको मृत्यु भएको छ । मृत्यु हुनेमा जयपृथ्वी नगरपालिका–६ नौराका १२ वर्षिय सुदीप कठायत रहेका छन छन्।
मंगलबार जंगलबाट ल्याएको च्याउ खाएर आमा पुनी कठायत र दुई बालबालिका बिरामी परेपछि उपचारका लागि जिल्ला अस्पतालमा भर्ना गरिएको थियो। त्यहाँ उपचार सम्भव नभएपछि बिरामी बालबालिकालाई डडेल्धुरा रिफर गरेको थियो।
डडेल्धुरा पुर्याउन नपाउदै हिजो ७ वर्षिया सञ्जिला कठायतको मृत्यु भएको थियो भने धनगढी ल्याउँदै गर्दा सुदिपको पनि मृत्यु भएको हो । दुबै बालकको बाटोमै मृत्यु भएको जिल्ला प्रहरी कार्यालय बझाङका प्रहरी प्रमुख प्रहरी नायव उपरिक्षक जागेश्वर भण्डारीले जानकारी दिएका छन ।
आमा पुनी कठायतको भने उपचार जारी रहेको छ।
यसअघि प्रकाशित समाचार : बझाङमा जंगली च्याउ खाँदा एक बालिकाको मृत्यु
