दोधारा चाँदनी – कञ्चनपुरको महेन्द्रनगरमा ‘एयरक्राफ्ट म्युजियम’ सञ्चालनका लागि १ करोड ५० लाख गरिएको छ । सुरुमा धनगढीमा राखिएको ‘एयरक्राफ्ट म्युजियम’ नेपालगंञ्ज हुँदै पुनः १ करोड ५० लाख खर्च गरेर महेन्द्रनगरमा राखिएको हो ।
क्याप्टेन वेद उप्रेतीले नयाँ पर्यटकीय गन्तव्यका रूपमा म्युजियम सञ्चालनमा आएको उल्लेख गर्दै म्युजियममा सुदूरपश्चिमका प्रमुख पर्यटकीयस्थलको फोटो राखिने जानकारी दिएका छ । नौ वर्षअघि धनगढीमा खुलेको म्युजियम जमिन अभावका कारण नेपालगञ्ज लगिएको थियो ।
‘कस्मिक एयरको फोकर १०० जेट विमानलाई ल्याएर एयरक्राफ्ट म्युजियम बनाइएको हो’ उनले भने ‘यसमा एकै पटक एक सय जनाले अवलोकन गर्न सक्ने र विमानको ककपिट तथा उडानका विषयमा पनि जानकारी लिन सक्नेछन् ।’
‘क्याप्टेन उप्रेती ट्रष्ट’ले महेन्द्रनगरमा एयरक्राफ्ट म्युजियमसँगै हेलिकप्टर, सिद्धबाबाको मूर्ति र स्विमिङ पुल निमार्ण गरेको छ ।
उनले सुदूरपश्चिम क्षेत्र पर्यटनको आकर्षक गन्तव्य बन्ने उल्लेख गर्दै पाइलट र टावरको रेकर्डिङ गरिएको संवादसमेत सुन्न सकिने बताए । म्युजियम प्रवेशका लागि प्रति व्यक्ति १ सय तथा विद्यार्थीका लागि ५० शुल्क तोकिएको छ ।
