घोडाघोडी – कैलालीको घोडाघोडीमा जर्बजस्ती करणी घटना मिलापत्र गराउने वडा सदस्य, पुर्व वडा सचिब सहित ५ जनालाई प्रहरीले पक्राउ गरेको छ । जिल्लाको घोडाघोडी नगरपालिका ४ जनकपुरकी ७७ बर्षिया बृद्ध महिलालाइ मसिंर १५ गते जबरजस्ती करणी गरेको र सोही पछिल्लो दिन मिलापत्र गराएको आरोपमा उनीहरुलाइ पक्राउ गरिएको इलाका प्रहरी कार्यलय सुखडले जनाएको छ ।
पक्राउ पर्नेमा सोही ठाउँका ५३ बर्षिय पूर्व वडा सचिव समेत रहेका यज्ञराज आचार्य, ५४ बर्षिय वडा सदस्य लक्ष्मी रुद्र न्यौपाने, ५३ बर्षका शिक्षक होम प्रसाद सुबेदी, ३४ बर्षिय राजु भट्टराई र जर्बजस्ती करणी गर्ने ३० बर्षिय प्रकाश सुबेदीलाई पक्राउ गरिएको इलाका प्रहरी कार्यालय सुखडले जनाएको छ ।
जबरजस्ती करणीको घटना मिलापत्र गराउने अन्य व्यक्ती फरार रहेका र उनीहरुकोे खोजीकार्य भइरहेको प्रहरीले बताएको छ ।
मसिंर १५ गते राती स्थानिय ७७ वर्षिया महिलालाई मदिरा सेवन गरी प्रकाश सुबेदीले खेतमा लगी जर्बजस्ती करणी गरेको आरोप लागेको थियो । घटना सार्वजनिक हुने डरले गर्दा अर्को दिन पीडित पक्षलाई ३ लाख दिने भनेर मिलापत्र गरेका थिए । तर मिलापत्र अनुसार ३ लाख नदिँदा घटना बाहीरिएको हो ।
उक्त कसुरमा पुस २१ गते इलाका प्रहरी कार्यालय सुखडमा जाहेरी दरखास्त प्राप्त भए पछि सोही दिन प्रतिवादी सहित मिलापत्र गराउने ५ जनालाई प्रहरीले पक्राउ गरेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक वेदप्रकाश जोशीले जानकारी दिए ।
उनीहरू माथि अदालत बाट म्याद थपी अनुसन्धान भई रहेको प्रहरीले जनाएको छ । घटनालाई ढाकछोप गर्न र जर्बजस्ती करणी जस्तो घटना मिलाप पत्र गाउनेहरूलाई मुलुकी अपराध संहिता २०७४ अनुसार कानुनी कार्वाही हुने बताइएको छ ।
