अत्तरिया – नेपाली कांग्रेस कैलाली क्षेत्र नम्बर ४ को क्षेत्रीय कार्यसमिति चयन प्रक्रियालाई लिएर विवाद उत्पन्न भएको छ। शेरबहादुर देउवा पक्षले होटलमा कार्यसमिति चयन गरेको भन्दै २९ जनाले निर्वाचन कार्यालयमा उजुरी दिएका छन्।
उजुरीकर्ताहरूले कार्यसमिति चयन प्रक्रिया र त्यसको वैधानिकतामाथि प्रश्न उठाउँदै निर्वाचन कार्यालयमा निवेदन दिएका हुन्।
उनीहरूले प्रक्रिया विधानसम्मत नभएको दाबी गर्दै आवश्यक छानबिन तथा कारबाहीको माग गरेका छन्।
बुधबार कांग्रेस कैलाली क्षेत्र नम्बर ४ को क्षेत्रीय अधिबेशनबाट वीर बहादुर चोखालको सभापतित्वमा नयाँ कार्यसमिति चयन गरिएको थियो भने ३५ केन्द्रिय महाधिवेशन प्रतिनिधि चयन गरिएको थियो ।
