बाजुरा – बाजुराको बाउली खोलामा २०७८ मा सुरु भएको पक्की पुल निर्माण चार वर्ष बित्दा पनि सम्पन्न हुन सकेको छैन। निर्माण कम्पनीको ढिलासुस्तीका कारण कोल्टी–मार्तडी सडकखण्डमा सवारी सञ्चालन प्रभावित भएको छ भने स्थानीयलाई आवतजावत र स्याउलगायत कृषि उपज ढुवानीमा समस्या भइरहेको छ।
५ करोड ५८ लाख रुपैयाँभन्दा बढी लागतको पुल निर्माणको म्याद थप्दा पनि काम पूरा नभएको हो। सडक डिभिजन कार्यालय अछामले निर्माण कम्पनीलाई काम तीव्र बनाउन पटक–पटक निर्देशन दिएको जनाएको छ।
