बझाङ – बझाङ प्रदेश सभा १ (१)मा नेपाली कांग्रेसका अभिषेक सिंहले उम्मेदवारी दर्ता गराएका छन् । आगामी वैशाख १५ गते हुने उपनिर्वाचनको लागि सिंहले मुख्य निर्वाचन अधिकृतको कार्यालय पुगेर उम्मेदवारी दर्ता गराएका हुन् ।
अघिल्लोपटक बुवाले जितेको क्षेत्रमा कांग्रेसले छोरा अभिषेकलाई उम्मेदवार बनाएको हो ।
प्रदेशसभा सदस्य एवं कानूनमन्त्री भएकै बेला अभिषेकका बुवा पृथ्वीबहादुर सिंहको दुर्घटनामा परी निधन भएको थियो ।
उनी सँगै राष्ट्रिय मातृभूमि पार्टीबाट विनोदबहादुर थापा, नेपाल मजदुर पार्टीबाट खगेन्द्रबहादुर शाही, नेशनल रिपब्लिक नेपालबाट कमल घर्ति मगर, नेकपा एकीकृत समाजवादीबाट दिलबहादुर सिंह, जनता समाजवादी पार्टीबाट रामबहादुर जग्री र राष्ट्रिय प्रजातन्त्र पार्टीबाट किशोर कुमार खड्काले उम्मेदवारी दर्ता गराएका छन ।
