धनगढी– नेपाली कांग्रेस बझाङले प्रदेशसभा (क) मा हुने उपनिर्वाचनका लागि १० जना आकांक्षीको नाम सिफारिस गरेको छ ।
जिल्ला कार्य समितिले प्रदेशसभा सदस्य उपनिर्वाचनका गाडी दुर्घटनामा ज्यान गुमाएका तत्कालीन आन्तरिक मामिला तथा कानुन मन्त्री पृथ्वीबहादुर सिंहका छोरा अभिषेक सिंहसहितका १० आकांक्षीको नाम प्रदेश समितिलाई सिफारिस गरेको हो ।
सिफारिसमा पर्नेमा सत्यराज भण्डारी, बिष्णु कुमार सिहं, जगतप्रसाद जोशी, नन्दकृष्ण जोशी, लोकेन्द्र बहादुर रोकाया, शान्तीकुमारी बोहरा, अर्जुन स्याडाँ र धु्रवराज उपाध्याय, नारायण हमाल रहेका छन् ।
बझाङमा भएको सवारी दुर्घटनामा मन्त्री सिंहको निधन भएपछि निर्वाचन आयोगले अगामी बैशाख १५ गते प्रदेशसभा(क) मा उपनिर्वाचनको मिति तोकेको छ । त्यसका लागि अगामी २४ चैतमा उम्मेदवारी दर्ता हुने निर्वाचन आयोगले जनाएको छ ।
