खप्तड स्विजरल्याण्डभन्दा पनि सुन्दर छ : आचार्य

धनगढी – पतञ्जलि योगपीठका महामन्त्री आचार्य बालकृष्णले खप्तड स्विजरल्याण्डभन्दा पनि सुन्दर भएको बताएका छन । खप्तडमा हुने आध्यात्मिक सम्मेलनका लागि धनगढी पुगेका आचार्यले खप्तड स्वीजरल्याण्डभन्दा पनि सुन्दर भएको दाबी गर्दै यसको प्रचार र विकास गरिनुपर्ने बताए ।

maya metro hospital

उनले भने ‘खप्तड धेरै सम्भावना भएको ठाउँ हो । खप्तड स्विजरल्याण्डभन्दा सुन्दर छ । यहाँको प्रदेश सरकारले, नेपाल सरकारले खप्तडको विकासमा लाग्नुपर्छ, हामी पनि यसमा सहयोग गर्छौ ।’

पतञ्जलिले खप्तडलाई देश विदेशमा चिनाउन पहल गर्ने बताउँदै उनले खप्तडमा आफूले जडिबुटीको अन्वेषण पनि गर्ने बताए । त्यसका लागि आफ्नो बिज्ञ टोली खप्तड पुगिसकेको उनको भनाइ छ ।

attariya hospital

त्यस्तै निकट भविष्यमै कैलाश मानसशरोवर र खप्तडलाई आपसमा जोड्नुपर्ने उनले बताए । त्यसका लागि यहाँको सरकारलाई आफू सहयोग गर्न तयार रहेको बताए ।

जेठ २३ देखि २५ गतेसम्म हुने सम्मेलनको प्रधानमन्त्री पुष्पकमल दाहाल ‘प्रचण्ड’ ले उद्घाटन गर्ने कार्यक्रम तय भएको छ । भारतीय योगगुरु बाबा रामदेव, सङ्घीय र प्रदेश सरकारका मन्त्रीहरू, आध्यात्मिक क्षेत्रका प्रतिष्ठित व्यक्तित्वलगायत सम्मेलनमा सहभागी हुने कार्यक्रम रहेको छ ।

सुदूरपश्चिम प्रदेश सरकार, उद्योग, पर्यटन, वन तथा वातावरण मन्त्रालय, नेपाल पर्यटन बोर्ड, खप्तड पर्यटन विकास तथा व्यवस्थापन समिति र स्थानीय तहले सम्मेलनको आयोजना गर्न लागेका हुन् ।

प्रतिक्रिया दिनुहोस

Your email address will not be published.