कठ्घोरी नाच संरक्षणमा जुरमुराए कैलालीको के गाउँवासी

धनगढी – लोपको सङ्घारमा पुगेको कठ्घोरी नाच संरक्षणमा के गाउँवासी जुरमुराएका छन् । संस्कृतिलाई पुस्तान्तरण गर्ने उद्देश्यका साथ कैलालीको कैलारी गाउँपालिका–४ के गाउँका स्थानीय जुरमुराएका हुन । कठ्घोरी नाच थारु समुदायको निकै पुरानो मौलिक नाच हो । घोडा बनेर यो नाच नाच्ने गरिन्छ । महिला पुरुषले यो नृत्य देखाउने गर्दछन् ।

maya metro hospital

पुर्खाहरूले गाउँघरमा धूमधामसँग देखाएको नाच लोप हुने अवस्थामा पुगेपछि त्यसको संरक्षण गर्ने उद्देश्यका साथ कठ्घोरी नाच देखाउन थालेको के गाउँका भलमन्सासमेत रहेका नाचका संयोजक जगलाल चौधरीले बताए । ‘थारु संस्कृति जगेर्नाका लागि हामी गाउँमा एकजुट भएका छौँ’ उनले भने । धेरै समयको प्रयासपछि आफ्नो गाउँवासीलाई यो नाचमा संलग्न गराएको चौधरीको भनाइ थियो ।

अचेलका युवा पुस्ता आधुनिकतातिर आकर्षित भएका छन् । उनीहरू आधुनिक गीत, नृत्यतिर ध्यान दिँदा आफ्नो समुदायको मौलिक संस्कृतिहरू लोप भइरहेका स्थानीयको भनाइ छ । समुदायको पुरानो संस्कृति जगेर्नाका लागि युवा पुस्ता अग्रसर हुन आवश्यक रहेको स्थानीय सुनिता चौधरीले बताईन । उनले गाउँमा पुर्खाहरूको पहलमा भइरहेको कठ्घोरी नाच प्रदर्शनले संस्कृति संरक्षणमा युवा पुस्तालाई जागरूक बनाउने विश्वास व्यक्त गरिन ।

attariya hospital

संस्कृतिले नै पहिचान झल्काउने गरेकाले यसको संरक्षण गर्न आवश्यक रहेको औँल्याइएको छ । कैलारी गाउँपालिका–४ का वडा अध्यक्ष ठागुराम चौधरीले पुरानो संस्कृतिको संरक्षण गर्न जरुरी रहेको बताए । उनले के गाउँवासी थारु समुदायले आफ्नो समुदायका युवापुस्तालाई कठ्घोरी नृत्य सिक्ने अवसर प्रदान गर्नु ठुलो कुरा रहेको उल्लेख गरे । ‘यो कार्यमा स्थानीय सरकार पनि सहयोग गर्न तत्पर छ’ उनले भने ‘लोप हुन थालेको संस्कृति संरक्षण गर्नु हामी सबैको दायित्व हो ।’ गोरखापत्रबाट

प्रतिक्रिया दिनुहोस

Your email address will not be published.