अत्तरिया – कैलालीको गोदावरी नगरपालिका वडा नं. ३ का युवा टेरेन्स साउँदले तेस्रो गित बजारमा ल्याएका छन । सब बेकार बोलको उक्त गित उनले आफ्नो युट्युब च्यानल मार्फत सार्वजनिक गरेका छन ।
दिपेश खतिवडीको स्वरमा रहेको उक्त गित पछिल्लो समय कुलतमा फसीरहेका युवाहरुलाई लक्षित गरि निर्माण गरिएको छ । कुलतका कारण परिवारबाट टाढिएको युवाले सानो सानो रकम जम्मा गरी बालबालिकाहरुलाई शैक्षिक सामग्री वितरण गरिरहेको भिडियोमा देख्न सकिन्छ ।
मालाखेतीमा रहेको भजनदेवी एकेडेमीका सञ्चालक समेत रहेका साउँदले युवापुस्तामा कुलतको नकारात्मक प्रभावका बारेमा जानकारी दिन उक्त भिडियो निर्माण गरिएको बताए । कैलालीकै धनगढी अत्तरिया आसपासका क्षेत्रहरुमा छायांकन गरिएको उक्त भिडियोमा प्रोड्युसर समेत रहेका टेरेन्स साउँदले अभियन गरेका छन । उक्त भिडियो ग्रिन ग्राफिक्स मल्टिमिडियाले निर्माण गरेको हो ।
