धनगढी – बझाङमा जीप दुर्घटना हुँदा चार जनाको मृत्यु भएको छ । मष्टा गाउँपालिका–४ को चिउरीमा जीप दुर्घटना हुँदा चार जनाको घटनास्थलमा मृत्यु भएको हो ।
बुधबार दिउँसो डुङ्ग्रीबाट मष्टातर्फ गइरहेको जीप दुर्घटनामा परेको बझाङका प्रमुख प्रहरी नायब उपरीक्षक (डीएसपी) जागेश्वर भण्डारीले जानकारी दिएका छन । उनले अहिले प्रहरीले अहिले मृतको शव निकाल्ने र घाइतेको उद्धार गर्ने काम गरिरहेको बताए ।
घटनाको विस्तृत विवरण आउन अझै केही समय लाग्ने प्रहरीले जनाएको छ । उक्त जीप पुरै टुक्राटुक्रा भएकाले नम्बर समेत खुल्न नसकेको जनाइएको छ ।
अपडेट खबर : बझाङमा भएको जीप दुर्घटनामा ८ जनाको मृत्यु, १७ घाईते (विवरण सहित)
