बाजुरा – बाजुरामा करेन्ट लागेर एक जनाको मृत्यु भएको छ । मृत्यु हुनेमा बुढीगङ्गा नगरपालिका–२ परिवन बस्ने ४२ वर्षीय धनबहादुर केसी रहेका छन् ।
जिल्ला प्रहरी कार्यालयकाअनुसार आइतबार दिउँसो करिब ४ बजेतिर घरबाट निस्किएका केसी साँझसम्म घर नफर्किएपछि आफन्तले खोजी सुरु गरेका थिए ।
खोजी गर्ने क्रममा केसीलाई परिवनस्थित सामुदायिक वनभित्र गाडिएको राष्ट्रिय प्रशारण विद्युत् पोलमा करेन्ट लागेर घटनास्थलमै मृत अवस्थामा फेला पारिएको कार्यालयका सूचना अधिकारी एवं प्रहरी निरीक्षक नरेशबहादुर शाहीले जानकारी दिए ।
