अत्तरिया – कैलालीको गोदावरी नगरपालिकाका विभिन्न स्थानमा सडक कालोपत्र गर्न नगरपालिकाले करिब ८ करोड ३६ लाख रुपैयाँको ठेक्का आह्वान गरेको छ।
गोदावरी नगरपालिकाले १३ वटा प्याकेजमा सडक कालोपत्र तथा निर्माणका लागि बोलपत्र आह्वान गरेकाे हो। १३ वटै प्याकेजको अनुमानित लागत ८ करोड ३६ लाख १९ हजार ३ सय ३२ रुपैयाँ रहेको छ।
ठेक्कामध्ये सबैभन्दा बढी लागतको प्याकेज वडा नम्बर ११ का विभिन्न स्थानमा सडक कालोपत्रका लागि रहेको छ। उक्त कामको अनुमानित लागत ७७ लाख ९७ हजार ८ सय ३९ रुपैयाँ रहेको छ।
यस्तै वडा नम्बर २ का विभिन्न स्थानमा सडक कालोपत्रका लागि ७६ लाख ५२ हजार ४ सय १२ रुपैयाँ तथा वडा नम्बर ३ का विभिन्न स्थानमा ७४ लाख ८ हजार ७ सय ५ रुपैयाँ अनुमान गरिएको छ।
नगरपालिकाले वडा नम्बर १ देखि १२ सम्मका विभिन्न स्थानमा सडक कालोपत्र गर्ने गरी प्याकेज छुट्याएको छ।
