धनगढी – कैलालीको धनगढी उपमहानगरपालिका–७ मनेहराबाट ब्राउनसुगर जस्तो देखिने लागूऔषधसहित एक युवक पक्राउ परेका छन्।
जिल्ला प्रहरी कार्यालय कैलालीबाट खटिएको प्रहरी टोलीले मनेहरा बस्ने २३ वर्षीय शिव्जु रानालाई मंगलबार साँझ पक्राउ गरेको हो। प्रहरीले शंकाको आधारमा चेकजाँच गर्दा रानाको साथबाट ब्राउनसुगर जस्तो देखिने धुलो पदार्थ ६९० मिलिग्राम फेला परेको जनाएको छ।
बरामद लागूऔषधसहित रानालाई नियन्त्रणमा लिई घटनाबारे आवश्यक अनुसन्धान भइरहेको प्रहरीले जनाएको छ।
