बाजुरा – अविरल वर्षासँगै गौमुल गाउँपालिका–३ माझपालीको भिट्टालीमा आएको पहिरोले हर्क विकको घर पूर्ण रूपमा क्षति भएको छ। पहिरोले खानेपानी आयोजना, पानी घट्ट र वडा कार्यालय जाने बाटोसमेत बगाएको छ।
वडा नम्बर ३ का अध्यक्ष गोरखबहादुर बोहराका अनुसार भिट्टालीका १० परिवार पहिरोको उच्च जोखिममा छन्। यस्तै वडा नम्बर २ का अध्यक्ष देवबहादुर रोकायाका अनुसार गैरा, आग्र र अन्द्राडीमा समेत पहिरोले क्षति पुर्याएको छ। गैरामा दुई परिवारलाई सुरक्षित स्थानमा सार्न समन्वय भइरहेको छ।
गाउँपालिका विपद् फोकल पर्सन प्रेमबहादुर सार्कीका अनुसार विभिन्न स्थानका थप घरसमेत पहिरोको जोखिममा छन्।
